Patay ang 5 hinihinalang tulak ng iligal na droga sa ikinasang operasyon ng mga awtoridad sa Quiapo Maynila
Ginalugad ng mga operatiba ng Manila Police District o MPD Station 3 ang mga barung-barong sa panulukan ng Castillejos at Duque De Alba sa nasabing lugar
Ayon kay C/Insp. Michael Garcia, Commander ng Barbosa Police Community Precint, naka-abang na umano ang 5 armadong suspek nang pasukin nila ang compound kung saan nagtatago ang mga ito
Sinabi ni Garcia na matagal na nilang minamanmanan ang mga suspek dahil kilala na itong mga tulak ng droga lalo na sa Islamic Center at Golden Mosque Area
Narekober sa bahay ng mga suspek ang mga baril at bala gayundin ang dalawandaang gramo ng shabu
Wala namang nasugatan sa panig ng mga pulis sa kabila ng pagkasawi ng 5 drug suspect
By: Jaymark Dagala
