Nakiusap si Vice President Leni Robredo sa kaniyang mga taga suporta na tigilan na ang pakikipag-away sa social media
Ginawa ng Pangalawang Pangulo ang panawagan sa isinagawang homecoming activity nito na inihanda para sa kaniya sa Naga City
Sinabi ni Robredo na tapos na ang halalan at panahon na upang magkaisa at ibalik sa normal ang sitwasyon
Wala aniyang maidudulot na buti ang pakikipag-away sa mga taong patuloy na naninira sa kaniya
Kasunod nito, nanawagan si Robredo sa kaniyang mga supporter na tulungan ang Administrasyong Duterte na magampanan nito ang pagbagong nais niya para sa bayan
By: Jaymark Dagala
