Pinapurihan ng Manila International Airport Authority ang matapat na janitor na si Julito Amoy makaraan nitong isoli ang isang ATM card na may nakasulat na PIN.
Ayon sa inisyal na report, natagpuan ni Amoy sa NAIA Terminal One ang isang pouch na naglalaman ng walong iba’t ibang credit card at calling card.
Sinabi ni Amoy, naniniwala siya sa good karma kaya hindi niya pinag-interesan ang nasabing ATM card sa kabila ng PIN na nakasulat na sa likuran ng ATM card at agad niya itong isinoli.
Ayon naman sa pamunuan ng Manila International Airport Authority, kapuri-puri ang katapatan ni Amoy na isang contractual employee dahil kahit kailangang-kailangan niya ang pera, bilang isang magulang na may 4na anak, hindi siya nasilaw sa salapi.
Kabilang na si Amoy sa 20 kawani ng Manila International Airport Authority na pinarangalan dahil sa kanilang katapatan.
By: Avee Devierte
