Isinalang sa imbestigasyon ang lahat ng empleyado ng Sasa Port sa Davao City.
Ayon kay Agriculture Secretary Manny Piñol, minabuti niyang isalang na lahat sa imbestigasyon upang matukoy ang ugat ng di umano’y katiwalian sa Sasa Port.
Sa ngayon anya ay pansamantalang ini-relieve na niya ang lahat ng opisyal at staff ng Sasa Port upang bigyang daan ang imbestigasyon.
Una rito, ilang banana exporters ang nagreklamo kay Piñol na hinihingan sila ng P8,000 lagay sa kada container ng saging na kanilang ibibiyahe.
Bahagi ng pahayag ni DA Secretary Manny Piñol
Tiniyak ni Piñol na lilinisin niya sa katiwalian ang lahat ng sangay ng Department of Agriculture (DA).
Isa anya sa dahilan kung bakit mahirap ibaba ang presyo ng pagkain ay dahil sa tong-pats na binabayaran ng mga magsasaka sa mga tiwaling tauhan ng DA.
Bahagi ng pahayag ni DA Secretary Manny Piñol
By Len Aguirre | Ratsada Balita
