Nakarating na sa Pilipinas ang nasa 1.5 million doses ng Moderna COVID-19 vaccine mula sa bansang Germany.
Ayon sa National Task Force against COVID-19, lumapag sa Ninoy Aquino International Airport (NAIA) Terminal 3 ang 1.5M doses sa pamamagitan ng COVAX Facility.
Samantala, dumating din sa bansa ang nasa halos 1.2M doses ng Pfizer Covid-19 vaccine.
Dumating sa Ninoy Aquino International Airport (NAIA) Terminal 3 sakay ng Air Hong Kong Flight LD456 ang aabot sa 1,187,550 na kabilang sa 2, 730, 780 Pfizer vaccines na binili ng gobyerno sa pamamagitan ng Asian Development Bank (ADB).
Ayon sa Department of Health (DOH), umabot na sa kabuuang halos 200M ng iba’t ibang COVID-19 vaccines ang natatanggap ng Pilipinas kung saan, 104M ang naiturok na habang nasa 46.3M na indibidwal na ang fully vaccinated sa bansa. —sa panulat ni Angelica Doctolero