Hindi makukumbinsi si Senate President Chiz Escudero na lumabag sa batas kahit pa makakalap ng isang milyung lagda ang binuo na People’s Impeachement Movement.
Ayon kay SP Escudero, walang dami ng lagda ang maaaring mag-amyenda sa batas o kaya’y makahimok sa kanya na lumabag sa batas sa pamamagitan ng pag-convene sa impeachment court kahit naka-recess ang sesyon at mag-convene ng hindi sinusunod ang mga kinakailangang kondisyon.
Giit ni Escudero, hindi maaaring baluktutin ang batas at hindi sila dapat na magpadala sa dikta ng sinuman na may kanina-kanilang interes, bias at may isinusulong na takdang panahon o timetable para sa impeachment ni Vice President Sara Duterte kaya nais na agarang masimulan ang paglilitis.
Una nang inilunsad ng iba’t ibang religious groups at sectoral representatives ang People’s Impeachment Movement para ipakita na may clamor sa Senado para magconvene na bilang impeachment court at para agad ng masimulan ang paglilitis laban sa Bise Presidente.—ulat mula kay Cely Ortega Bueno (Patrol 19)
