Inaasahang darating sa linggo ang 1 milyong doses ng Sinovac COVID-19 vaccines.
Sa isang facebook post, ibinahagi ni Philippine Ambassador to china Chito Sta. Romana ang ilang mga larawan kung saan makikita ang shipment ng mga bakuna na inihahanda at sinusuri ng Philippine embassy team.
Sa press briefing noong Lunes, sinabi ni Presidential Spokesperson Harry Roque na ang 1 milyong doses ng bakuna ay bahagi ng 4.5 milyong doses na inorder ng Pilipinas.
Inaasahan din namang dumating sa bansa ngayong buwan ang ilang dose ng Pfizer at Moderna vaccines. — sa panulat ni Hyacinth Ludivico.
