Mananatili ang isang metrong physical distancing sa mga pampublikong sasakyan.
Ito ang inihayag ni Sen. Christopher Lawrence “Bong” Go matapos umano nilang magkausap ni Pangulong Rodrigo Duterte.
Ayon sa Senador, pinakinggan ng Pangulo ang naging rekumendasyon ng mga eksperto kaya’t pinaboran niya ang pananatili ng 1-meter distance.
Una nang binawi ni Transportation Sec. Arthur Tugade ang naging pasya nito na ibaba sa 0.75 meters ang distansya ng mga pasahero sa pampublikong sasakyan.
Layon aniya nitong mapagsilbihan ang maraming mga pasahero kasunod ng unti-unting pagbangon ng ekonomiya ng bansa.
