Mananatili pa rin ang 1-metrong physical distancing sa mga business establishments.
Ito ang nilinaw ng Department of Trade and Industry (DTI) matapos magpatupad ng reduced physical distancing sa mga pampublikong transportasyon.
Ayon kay Trade Sec. Ramon Lopez, walang pagbabago sa pinatutupad na physical distancing sa mga establisyimento hindi gaya sa mga public transportation kung saan ginagawa ito upang madagdagan ang kapasidad.
Nilinaw din sa joined advisory ng DTI at Department of Labor and Employment (DOLE) ang paglalagay ng isolation room sa mga establisyimento kung saan mayroon dapat na isang kwarto para sa kada empleyado sa isang shift.
