Arestado ng pinagsanib na puwersa ng Zamboanga City PNP at ng Criminal Investigation and Detection Group (CIDG) ang isang miyembro ng Abu Sayyaf Group.
Ito’y sa ikinasang operasyon o pagsisilbi ng search warrant ng mga tauhan ng Pulisya sa tahanan ng suspek sa Brgy. Kasanyangan sa Zamboanga City.
Kinilala ng CIDG ang naaresto na si Tony Asum na siyang target ng operasyon dail sa pag-iingat nito ng Improvised Explosive Device (IED).
Natagpuan ito na nakasilid sa sako ng uling kasunod ng masinsinang paghahalughog ng mga awtoridad sa bahay ni Asum, bagay na mariin nitong itinanggi.
Alibi ng biktima, sa kasamahan niyang miyembro rin ng ASG ang naturang pampasabog na siyang target na rin ng follow up operations.
Dahil dito, ikinakasa na ang kasong paglabag sa Republic Act 9516 o ang Illegal Posession of Explosives. —sa ulat ni Jaymark Dagala (Patrol 9)
