(Updated)
Isa ang patay habang isa ang napaulat na nawawala sa apat na beses na pagtama ng lindol sa Italy ngayong araw.
Nasawi matapos matabunan ng gumuhong gusali at niyebe ang 83 anyos na lalaki sa Castel Castagna habang isang 60 anyos na lalake naman ang patuloy na hinahanap ng rescue teams at pinangangambahang natabunan ng snowslide sa Campotosto.
Ayon sa Italy National Institute of Volcanology, unang tumama ang 5.3 magnitude na lindol sa Central Italy na nasundan ng magnitude 5.4, magnitude 5.3 at magnitude 5.1.
Tinatayang nasa isandaang (100) aftershocks ang naitala sa pagitan ng naturang mga pagyanig.
By Ralph Obina
