Patay ang isang guro habang 5 iba pa ang sugatan matapos pagbabarilin ng mga nakamaskarang lalaki sa loob ng kanilang tahanan sa Alaminos, Laguna.
Kinilala ni Laguna Provincial Director Senior Supt. Ronnie Montejo ang namatay na si Ferdinand Pampolina habang kritikal naman sina Jasper Pampolina, Judith Pampolina, Dina Pampolina, Gennete Pampolina, at John Timbad.
Bagama’t sugatan ay nagawa pang makalabas ng bahay ni Timbad at humingi ng saklolo sa dumaang police mobile patrol sa Barangay San Benito.
Iniimbestigahan pa ng pulisya kung ano ang motibo sa nabanggit na krimen.
By Jelbert Perdez
