1 ang napaulat na nasawi habang 7 ang kritikal makaraang bumaliktad ang sinasakyan nilang jeep sa Brgy. Hagan, Bongabong, Oriental Mindoro.
Batay sa impormasyon mula kay Police Regional Office 4-B Spokesman P/LtC. Aries Faltado, binabaybay ng driver na kinilalang si Jayson Dote ang kalsada sa nabanggit na lugar nang mangyari ang aksidente dakong 9:30am ng Biyernes, Nobyembre 1.
Papunta sanang Brgy. Lisap mula sa Brgy. Rosacara, Bansud ang jeep na minamaneho ni Dote sakay ang humigit kumulang 30 pasahero nang bigla itong mawalan ng kontrol dahilan upang bumaliktad ito.
Maliban sa mga nabanggit, ang nalalabing mga pasahero ng nasabing Jeepney ay nagtamo lamang ng minor injuries na ngayo’y kasalukuyan nang ginagamot sa ospital.
Patuloy ang ginagawang imbestigasyon ng mga awtoridad sa insidente.
