Narekober na ang katawan ng 30 anyos na lalaki sa Taguig City na nasawi sa ginanap na fluvial parade bilang pagdiriwang ng Taguig River Festival.
Kinilala ang nasawi na si Jester Romero na nakita 30 metro mula sa Bambang Bridge sa Barangay Tuktukan.
Noong Martes ng hapon nagsimula ang parada pero dalawang bangka ang nagbanggaan dahilan para magtalunan ang mga pasahero.
Nailigtas naman ang lahat ng sakay ng bangka maliban kay Romero na hindi marunong lumangoy at narekober dakong ala-6:20 ng umaga kahapon.
Paliwanag ng pamilya ng biktima, panata na ni Romero na sumali sa taunang Pagodahan River Festival pero hindi nito ipinaalam sa kaniyang pamilya na dadalo siya ngayong taon.
