Patay ang isang sundalo habang sugatan ang dalawa niyang kasamahan matapos silang tambangan ng mga miyembro ng Abu Sayyaf sa Basilan kahapon.
Ayon kay Senior Inspector Mujahid A. Mujahid, hepe ng Tipo-Tipo Police, nagsagawa ng ‘route security’ ang mga sundalo ng 74th Infantry Battalion sa Sitio Baunodagaw sa Barangay Badja nang bigla silang tambangan ng mga bandido.
Ang nasabing pagpapatrolya ay bunsod ng ulat na mayroon umanong mga itinanim na improvised explosive device o IED ang mga miyembro ng Abu Sayyaf sa nasabing lugar.
Kasalukuyan namang nagpapagaling sa ospital ang mga nasugatang sundalo.
—-
