Patay ang sampung (10) miyembro ng Bangsamoro Islamic Freedom Fighters o BIFF matapos ang sunud-sunod na airstrike ng Joint Task Force Central ng militar sa Maguindanao.
Ayon kay Joint Task Force Central Commander Major General Arnel Dela Vega, nangyari ang airstrike sa Barangay Tee sa Datu Salibo para masupil ang mga pinagkukutaan ng mga terorista at mapigilan ang pagtatanim pa ng mga bomba.
Sinabi ni Dela Vega na nais din ng militar na mapigilan ang BIFF sa patuloy na pagre-recruit ng mga bagong recruit.
Tiniyak naman ng AFP na magpapatuloy ang pinalakas na opensiba kontra terorismo.
By Ralph Obina
