10 katao ang patuloy na pinaghahanap matapos na matabunan ng debris sa gumuhong gusali sa Eastern Turkey.
Naganap ang insidente sa isang mataong kalsada sa siyudad ng Malatya.
Batay sa mga ulat, gumuho ang gusali habang nire-renovate ito.
Ayon kay Regional Governor Aydin Barus na nasa 20 katao ang pinaniniwalaang nasa loob ng gusali nang gumuho ito.
13 indibidwal naman ang nasugatan sa insidente kung saan dalawa rito ang isinugod sa ospital.
Sa ngayon ay hindi pa malinaw ang sanhi ng pagguho. —sa panulat ni Hya Ludivico
