Patay ang sampung katao habang tatlo naman ang sugatan sa naganap na pamamaril ng 18-taong gulang na gunman sa isang grocery store sa Buffalo, New York.
Ayon kay Buffalo Police Department Commissioner Joseph Gramaglia nangyari ang insidente nitong 2:30 p.m. oras sa New York
Habang apat sa mga nasawi ay empleyado ng Supermarket, kabilang na ang security guard na isang retiradong pulis na nakipagpalitan umano ng putok ng baril bago ito nabawian ng buhay.
Ayon sa mga saksi, nakasuot ng military-type gear at body armor at may dalang rifle ang suspek na sumuko na sa pulisya habang wala namang Pinoy ang nadamay sa naturang insidente.
