Patay sa pagsabog ang 10 indibidwal sa Nairobi, Kenya.
Ayon kay North Eastern Regional Commander George Seda, sakay ng isang sasakyan ang mga biktima nang masagasaan nito ang isang bomba na nasa kalsada.
Dito na sumabog ang sasakyan kung saan, hindi pa malinaw kung ilan ang kabuuang bilang ng mga biktimang nadamay sa pagsabog.
Sa pahayag ng mga otoridad, posibleng mga miyembro ng Al-Shabab extremists ang responsable sa pagpapasabog na sinasabing nag-o-operate sa lugar nang mangyari ang insidente.
Bukod pa dito, kilala din sa ibat-ibang uri ng pag-atake ang nasabing mga rebelde saka tumatakas o nagtatago pagkatapos ng insidente.
Sa ngayon, patuloy pang nagsasagawa ng imbestigasyon ang mga otoridad para alamin ang motibo sa pagpapasabog ng mga rebelde.—sa panulat ni Angelica Doctolero
