Sampung (10) pulis sa Quezon City ang ikinantang sangkot sa illegal drugs ng mga sumukong drug users sa QCPD.
Ayon kay Senior Supt. Joselito Esquivel, Deputy District Director for Operations ng QCPD, may mga ibinigay na pangalan sa kanila ang 352 drug dependents.
Gayunman, kailangan pa anya ng imbestigasyon dahil kung hindi first name ay apelyido lamang ng mga di umano’y pulis ang nabanggit ng mga drug users na pinagkukunan nila ng suplay ng illegal drugs.
Ipinaliwanag ni Esquivel na ang mga drug users ay itinuturing nilang mga biktima kayat kinakausap lamang nila ito at hinihikayat na magbagong buhay subalit hinihingan rin ng mga impormasyon tungkol sa kanilang supplier ng droga.
Una rito, personal na nagtungo ang mula bata hanggang lolo o lola sa QCPD kung saan inamin nila ang paggamit ng illegal drugs.
By Len Aguirre
