10 sibilyan patay sa panibagong airstrike ng Amerika sa Syria

Sampung (10) sibilyan ang patay sa panibagong airstrike na inilunsad ng anti-terror coalition forces sa pangunguna ng Amerika sa Deir Al-Zour Province, Syria.

Target sa airstrike ang mga miyembro ng Islamic State sa bayan ng Sour.

Gayunman, hindi pa ma-beripika kung mga kaanak ng mga ISIS member ang mga nasawing sibilyan o kung ginawang human shield ang mga ito.

Ang Deir Al-Zour at Raqqa Provinces ang nagsisilbing de facto capital ng ISIS sa northern Syria at kabilang sa nalalabing balwarte ng pinaka-notorious na terror group.

By Drew Nacino   

Comments

comments