Nanganganib masibak ang 10 tauhan ng Philippine Coast Guard.
Ito ay matapos silang magpositibo sa drug test.
Nagmula ang 10 sa 2,000 tauhan ng Coast Guard mula sa National Headquarters at Sangley Point sa Cavite na isinalang sa drug test.
Ayon kay Commander Armand Balilo, Spokesman ng Coast Guard, nakatakda pang isalang sa confimatory test ang sampung tauhan ng Coast Guard upang makumpirma kung gumagamit sila ng illegal drugs.
Sinabi ni Balilo na mayroong mga pagkakataon na nagpopositibo rin sa drug test ang mga taong may regular na iniinom na gamot.
By Len Aguirre
