Nilusob ng nasa isang daang mga hinihinalang miyembro ng NPA o New People’s Army ang istasyon ng pulis sa Binuangan, Misamis Oriental.
Ayon kay Misamis Oriental Police Provincial Office Director Senior Supt. Rolando Destura, dakong alas tres ng madaling araw kanina nang tinangka umano ng mga rebelde na pasabugin ang nasabing istasyon ng pulis bago sumiklab ang bakbakan.
Sa kasalukuyan ay umatars na ang mga rebelde at nabuksan na rin ang daan patungong binuangan sa national highway na unang isinara ng mga rebelde.
Dalawang pulis naman ang naiulat na nasugatan sa insidente na agad namang naisugod sa balingasag hospital habang inaalam pa kung may nasawi o nasugatan sa panig ng mga rebelde.
