Patay ang tinatayang 100 sibilyan matapos umanong lusubin at masakerin ng mga armadong lalaki sa isang village sa Burkina Faso.
Ayon sa kanilang pangulo na si Roch Marc Christian Kabore, ito na ang pinamadugong pag-atake sa kasaysayan sa kanilang bansa.
Nabatid na pinasok ng mga salarin ang Solhan village sa Yagha province kung saan bukod sa pinagpapatay ang mga sibilyan ay sinunog din ng mga ito ang mga bahay at palengke sa lugar.
Wala pang umaakong grupo sa pag-atake ngunit nagbanta si Kabore na tutugisin ng gobyerno at papanagutin ang mga salarin.
Idineklara na ang tatlong araw na “national mourning” sa Burkina Faso.
