Tinatayang 10,000 raliyista ang inaaasahang lalahok sa sinasabing malawakang kilos protesta mamaya kasabay ng ika-45 anibersaryo ng deklarasyon ng Batas Militar.
Ayon kay NCRPO o National Capital Region Police Office Chief Director Oscar Albayalde, kabilang sa mga lalahok ang mga grupo ng anti at pro-Duterte na iniiwasan naman nilang magpang-abot.
Magkikita muna aniya ang mga demonstrador sa UP Diliman, Quezon City Circle, Liwasang Bonifacio at Mendiola, bago sabay-sabay magmartsa patungong Luneta, Maynila.
Papayagan anya nilang magprotesta ang anumang grupo kahit walang permit alinsunod sa utos ni Pangulong Rodrigo Duterte.
Ulat ni Jonathan Andal
