Nasa sampung libong (10,000) mga pulis ang ipakakalat ng National Capital Region Police Office o NCRPO sa Metro Manila para tumiyak sa seguridad ngayong Holiday Season.
Ayon kay NCRPO Director Oscar Albayalde, sisimulan nila ang deployment ng mga nasabing pulis sa unang simbang gabi sa Disyembre 16.
Dagdag ni Albayalde, ipoposte ang mga nasabing pulis sa mga mall, palengke, simbahan, tiangge, MRT – 3, LRT – 1 at 2 at iba pang matataong lugar.
Sinabi pa ni Albayalde na tanging mga pulis sa Metro Manila lamang ang kanilang ide – deploy at walang huhugutin mula sa mga probinsya.
Tiniyak naman ni Albayalde na wala pa silang namo – monitor na anumang banta ngayong kapaskuhan.
