Arestado ang 11 katao kabilang ang isang dating aktor sa ikinasang operasyon ng Philippine Drug Enforcement Agency o PDEA sa isang five-star hotel sa Taguig City.
Kinilala ang ilan sa mga suspek na si Edmund Remegio at Malik Coronel na isang model-actor.
Ayon kay PDEA Director General Aaron Aquino nahuli sa isang sex-party sa isang hotel ang mga suspek kung saan tanging underwear lang ang suot ng mga ito.
Nasabat ng mga awtoridad ang dalawampung (20) tableta ng ecstacy, 8.6 gramo ng shabu labing dalawang bote ng liquid ecstasy.
Batay sa imbestigasyon posibleng ang boyfriend ni Remegio na nakatira sa Thailand ang supplier ng liquid ecstasy.
Madali umanong nakakalusot sa airport ang liquid ecstasy dahil wala itong amoy at may itsura na parang tubig lang.
—-
