Nailigtas ng Philippine Coast Guard ang 11 mangingisda matapos tumaob ang kanilang bangkang sinasakyan sa karagatang sakop ng Zamboanga City.
Partikular sa pagitan ng Tictabon Island at Mampang.
Ayon sa PCG, nakatanggap sila ng tawag mula sa mga residente ng mampang kaugnay sa tumaob na bangkang F/B Jaya-1 sakay ang mga mangingisda at kapitan nito pasado alas-10:00 kagabi.
Nabatid na unang nasagip ng PNP Maritime Group ang dalawa sa mga mangingisda, apat naman ang nailigtas ng PCG Station Zamboanga, at lima sa PCG Sear and Rescue (SAR) team. —sa ulat ni Aya Yupangco (Patrol 5)
