Tinatayang 11 ang patay at anim naman ang sugatan matapos magsalpukan ang dalawang bangka sa Huallaga river sa Peruvian District ng Yurimaguas, Peru.
Ayon sa Sectorial Emergency Operations Centre of Ministry of Health, hindi pa tiyak ang bilang ng mga pasahero ng bangka na nawawala.
Nangyari ang aksidente umaga ng linggo kung saan mayroon ding lulan na 20 bata ang bangka na natutulog habang pabalik sa Yurimaguas matapos um-attend sa isang religious event.
Agad namang rumesponde ang Peruvian Navy at Sectorial Emergency Operations Centre sa pinangyarihan ng insidente at naghanda na ng mga ambulansya para sa mga mare-rescue na biktima ng kolisyon ng bangka.
Nag-umpisa na ring mag-imbestiga ang pulisya ng nasabing bansa.—sa panulat ni Angelo Baino
