Pangungunahan ni Pangulong Noynoy Aquino ang pagdiriwang ng ika-117 taon ng kalayaan ng bansa sa Jaro, Iloilo ngayong araw.
Sisimulan ng Pangulo ang pagdiriwang sa pagtataas ng watawat ng Pilipinas sa simbahan ng Sta. Barbara sa Iloilo ganap na ala-8:00 ngayong umaga.
Susundan naman ito ng tradisyunal na vin d’hounneur sa Old Iloilo Capitol, ang kauna-unahang pagkakataon na magtitipon ang mga diplomats sa labas ng Palasyo ng Malacañang.
Ang Sta. Barbara sa Iloilo o dating Panay ang siyang naging kanlungan ng mga rebolusyonaryo laban sa mga Espanyol at naging sentro ng kalayaan sa rehiyon ng Visayas.
By Jaymark Dagala
