Nahaharap sa kasong Unlawful Acquisition o Posession of Firearms and Ammunition ang labindalawang (12) armadong lalaking nadakip sa Barangay Carabao, bayan ng Culion sa Palawan.
Batay sa salaysay ng mga residente sa naturang isla, pina-a-alis sila sa kanilang mga bahay ng mga armadong lalaki na nakasuot ng uniporme ng military.
Ayon sa Palawan Provincial Office, malabong miyembro ang naturang grupo ng New People’s Army (NPA) dahil hindi naman umano sila nanlaban at sa halip ay kusang isinuko ang mga dalang armas at payapang sumama sa mga otoridad.
Narekober ang pitong baril, assorted bullets, isang chainsaw, handheld radio, combat shoes, army uniform at labing apat na cellphone.
Tumanggi naman magbigay ng pahayag ang mga suspek.
