Patay ang labingdalawa (12) katao sa nangyaring sunog sa isang sweet shop sa Mumbai, India.
Ayon sa ulat, na-rescue pa mula sa nasusunog na tindahan ang labing dalawang (12) biktima ngunit hindi rin lahat umabot nang buhay sa ospital.
Sinasabing mga trabahador ng tindahan ang mga biktima na doon din mismo naninirahan.
Hindi pa matukoy sa ngayon ang sanhi ng sunog at patuloy pang iniimbestigahan ng mga otoridad ang insidente.
Matatandaang noong Setyembre, anim (6) naman ang namatay sa sunog sa isa namang construction site sa siyudad ng Mumbai.
