Nasawi ang 12 babae sa lalawigan ng North Sumatra sa Indonesia matapos mabaon sa gumuhong minahan na kanilang pinagtatrabahuhan.
Ayon sa awtoridad, ang mga biktima ay naghuhukay ng ginto sa isang abandonadong ilegal na minahan, kung kaya’t hindi gumagamit ang mga ito ng wastong safety equipments.
Ang Indonesia ay kilala na mayaman sa mga mineral kung kaya’t laganap dito ang mga hindi lisensiyadong minahan na naghahanap ng natitirang gintong ore sa lugar.
Nabatid na ang mga nasawing kababaihan ay nasa edad 30 hanggang 55 anyos.
