12 mula sa 21 Pilipino na nakasakay sa MV Athens bridge mula India ang nagpositibo sa COVID-19.
Dalawa rito ang nasa kritikal na kondisyon na ginagamot sa medical facility habang ang 10 naman ay naka-quarantine at pinadalhan na lamang ng mga medical equipment.
Abril 22 nang umalis ang barko sa India at dumating sa Vietnam nuong Mayo 1 para sa RT-PCR kung saan dito nga nalaman ang positibong resulta ng labindalawang Pinoy.
Kaugnay nito, dumaong ang barko sa OSS Port of Manila matapos hilingin ng kapitan ng barko sa Philippine Coast Guard ang isang medical evacuation ng crew members nito.
Tiniyak naman na walang nakadaong na ibang barko na malapit sa MV athens bridge.
