Patay ang 13 katao, habang isa ang kritikal sa isinagawang airstrike ng Saudi na tumama sa security checkpoint malapit sa Sanaa, Yemen.
Ayon sa rebel officials, tinamaan ng airstrike ang oil tanker kaya ito sumabog.
Naganap ang pag-atake sa Bani Matar Region partikular sa pangunahing kalsada papuntang Sanaa at Port City ng Hodeida.
Kabilang sa mga namatay ang walong sibilyan, driver ng tanker na napadaan lamang sa checkpoint at dalawang security personnel na naka-destino sa checkpoint.
By Meann Tanbio
SMW: RPE
