Patay ang 13 Jihadist o mga militante matapos salakayin ng mga militar ang kanilang kuta sa bahagi ng Northern at Eastern Burkina Faso na sakop ng Western Africa.
Ayon sa mga militar, namataan ang nasa mahigit sampung terorista na planong magsagawa ng kaguluhan sa lugar.
Dito na ikinasa ang operasyon kung saan, binomba ng mga militar ang kampo ng mga terorista.
Sa ngayon nagsasagawa na ng imbestigasyon ang mga militar kung mayroon pang mga kasabwat ang mga terorista kaugnay sa insidente.—sa panulat ni Angelica Doctolero
