Sugatan ang 14 na guro matapos na salpukin ng dump truck ang kanilang sinasakyang jeep sa Silay City, Negros Occidental.
Ayon kay Silay Police Chief Superintendent Noel Polines, patungo ang jeep sa Guimbalaon National High School nang tumama ang trak sa hulihang bahagi ng sasakyan.
Kabilang sa lubhang nasugatan ay ang gurong si Nancy Lazareto 61-anyos at drayber ng jeep na si Carlos Detina Jr., 62-anyos.
Kasalukuyan namang naka-detene sa Silay Police Station ang drayber ng dump truck habang inaayos ang mga kasong isasampa laban sa kanya.
By Rianne Briones
