Pansamantalang isinara ng Department of Public Works and Highways – Bureau of Maintenance (DPWH-BOM) ang nasa 15 national road sa bansa bunsod ng bagyong Maring at tropical depression Nando.
Dahil dito, hindi muna pinadadaanan sa mga motorista ang ilang lugar kabilang na ang walong (8) national road sections sa Cordillera Administrative Region (CAR), apat (4) sa Region 1, dalawa (2) sa Region 2 at isa (1) sa Region 7 dahil sa nagbagsakang mga puno at nasirang mga tulay.
Sarado din ang ilang mga kalsada sa ilan pang lugar sa bansa dahil pa rin sa patuloy na pag-ulan na dala ng pinagsamang bagyong maring at tropical depression Nando. —sa panulat ni Angelica Doctolero
