Patay ang 15 indibidwal habang kritikal naman sa ospital ang iba pa sa naganap na mass shooting sa South Africa.
Sa imbestigasyon ng mga otoridad, isang grupo ng mga kalalakihan ang bumaba mula sa isang minibus taxi saka pinagbabaril ang ilan sa mga parokyano sa dalawang bar sa Soweto sa nabanggit na bansa.
Ayon sa mga otoridad, sinubukan pa ng mga biktima na tumakbo at tumakas palayo sa mga armadong kalalakihan pero hindi rin sila nakaligtas sa mataas na kalibre ng baril mula sa mga salarin.
Sa ngayon, kinondena na ni South African President Cyril Ramaphosa ang naganap na pamamaril habang patuloy pang iniimbestigahan ng mga otoridad ang dahilan o motibo ng pamamaril ng mga armadong kalalakihan sa lugar.
