Labinlima (15) ang patay habang labinlima (15) ang sugatan sa pamamaril at suicide bombing sa Jalalabad, Afghanistan.
Ayon sa Afghan Interior Ministry, tatlong lalaking lulan ng kotse ang pumasok sa isang gusaling malapit sa mga government office.
Dalawa sa mga sakay ng kotse ang bumaba at namaril habang ang naiwang pasahero ang nagsilbing suicide bomber.
Kilala ang Jalalabad bilang isa sa mga naging balwarte ng Islamic State noong 2014.
Samantala, labing-isang (11) pasahero ng bus naman ang nasawi sa pagsabog ng isang bomba sa Farah Province.
Hindi pa malinaw kung ang ISIS o Taliban ang nasa likod ng panibagong pag-atake.
—-
