Aabot sa 150,000 pasahero ang dadagsa ngayong araw sa Parañaque Integrated Terminal Exchange (PITX) para umuwi sa kanilang mga probinsya.
Ayon kay Jason Salvador, tagapagsalita ng PITX, karamihan sa mga pasahero ay humahabol sa long weekend para gunitain ang pagsalubong ng Bagong taon sa kanilang mga probinsya.
Nitong Huwebes, nasa 140,000 pasahero ang dumaan sa terminal, mas mababa kumpara sa “record-breaking” na 192,000 pasaherong dumagsa sa PITX noong Lunes at 180,000 noong Martes.
Ikinatuwa naman ni Salvador ang pagdagsa ng mga pasahero dahil senyales ito na babalik na sa normal ang biyahe.
