Balik events na ang 16 na Filipino Organizations na nagtagisan ng galing sa iba’t ibang sports activites sa ilalim ng Philippine Professional Organization Qatar (PPOQ).
Layunin ng aktibidad na maitaguyod ang healthy lifestyle sa gitna ng pandemya kung saan naglaban-laban sa mga larong basketball, volleyball, bowling, online games na mobile legends at chess ang mga nasabing Filipino.
Kaugnay nito, ang grupong Filipino Dentists Organization Qatar (FDOQ) ang napiling magsagawa ng bowling tournament sa panguguna ni Dr. Christian Dela Cruz.
Nagpaabot naman ng magandang balita si FDOQ Vice-President Rosanna Barrera sa mga Underboard Dentists sa Qatar na nagsasagawa ang PRC ng Special Professional Licensure Examination para sa mga hindi makauwi ng Pinas.
Samantala, kasabay ng nasabing aktibidad ang unti-unting pagtanggal ng mga restriksyon sa naturang lugar dahil sa bumababang kaso ng COVID-19. —sa panulat ni Airiam Sancho
