Patay ang 16 katao kabilang ang 3 sundalo sa panibagong engkwentro sa pagitan ng militar at Abu Sayyaf Group sa Brgy. Macalang sa Albarka, Basilan.
Ayon kay Major Felimon Tan, Spokesman ng Western Mindanao Command, batay sa kanilang intelligence report, 13 ang napatay at 7 ang sugatan sa panig ng Abu Sayyaf.
Sinabi ni Tan na ginagamot na ang 10 sundalong sugatan sa Camp Navarro General Hospital na nasa loob ng WESMINCOM sa Zamboanga City.
Una nang naka-engkuwentro ng 3rd at 4th Scout Ranger Batallion kasama ang Special Forces Batallion at ng 12th Light Armor Calvary ang hindi mabatid na bilang ng mga bandido.
By Judith Larino
