Kinumpirma ng Armed Forces of the Philippines ang nagpapatuloy na operasyon ng militar laban sa hindi mabilang na miyembro ng New People’s Army sa Barangay Osmeña Dolores Eastern Samar.
Ayon kay AFP Spokesperson Col Ramon Zagala, nagsimula ang operasyon alas – 4:00 pa ng madaling araw kanina na nagresulta sa pagkasawi ng 16 na NPA habang nakuha ng militar sa mga rebelde ang 29 na mga matataas na kalibre ng armas.
Sinabi naman ni 8th Infantry Division Spokesperson Major Reynaldo Aragones sinalakay ng mga sundalo ang bomb making hideout ng mga NPA at doon na nagkaroon nang matinding bakbakan.
Agad aniyang humingi ng suporta ang tropa sa ground kaya mayroon na ngayong nangyayaring joint ground, sea at sea operations laban sa NPA.
Hindi pa maisapubliko ng AFP hanggang ang buong detalye ng operasyon para hindi ito makaapekto sa nagpapatuloy na operasyon. — ulat mula kay Jaymark Dagala.
