Nakabalik na sa bansa ang 17 Pilipino na crew members ng MV Galaxy Leader na binihag ng Houthi rebels sa Yemen.
Bandang alas-nuwebe kagabi nang lumapag sa naia terminal 1 ang Oman Air 8-4-3 sakay ang nasabing mga tripulante.
Ayon sa Department of Migrant Workers, isang direktiba mula kay Pangulong Ferdinand Marcos Jr., ang agarang pagpapauwi at pagbibigay ng komprehensibong tulong at suporta sa mga pinalayang Pilipinong Marino.
Mahigit isang taong naging bihag ng Houthi rebels ang mga tripulanteng sakay ng nasabing barko nang kubkubin nila ito nuong November 2023. – SA panulat ni Kat Gonzales
