Patay ang 17 sundalo ng India makaraang atakehin ng mga rebelde ang headquarters nito sa Kashmir.
Napatay din ang apat na umatake sa palitan ng putok na tumagal din ng ilang oras.
Nangyari ang pag-atake sa bayan ng Uri, 102 kilometro mula sa Srinagar, ang kapitolyo ng Jammu at Kashmir.
Ayon sa Indian Army, patuloy ang search operation sa nasabing kampo.
Hindi pa malinaw kung anong grupo ang may kagagawan ng pag-atake sa tensyonadong lugar ng Kashmir.
Ang naganap na pag-atake sa army base sa Kashmir kahapon ang pinakamatindi mula ng magsimulang umatake ang mga rebelde noong 1989.
By Mariboy Ysibido
Photo Credit: AP
