To the rescue si Senate President Koko Pimentel sa kaniyang mga kapwa Senador na kabilang sa mga inireklamo sa ICC o International Criminal Court.
Ayon kay Pimentel, mahina at may bahid pulitika ang isinampang crime against humanity laban kay Pangulong Duterte, Senador Alan Peter Cayetano at Richard Gordon.
Giit ng Senate President, ang pagsasama sa mga taong walang executive function sa kaso ay indikasyon lamang na mahina ang kaso at tiyak na walang kapupuntahan.
Hindi aniya nangangahulugang kasabwat sina Cayetano at Gordon dahil sa paniniwalang hindi state sponsored ang mga nangyayaring patayan sa bansa sa ilalim ng war on drugs.
By: Jaymark Dagala / Cely Bueno
