Patay ang labingwalo (18) katao habang sugatan ang 84 na iba pa sa panibagong pag-atake ng Boko Haram sa Nigeria.
Nangyari ang pag-atake matapos na i-anunsyo ng Nigerian government na magpapatupad sila ng “ceasefire talk” sa militanteng grupo.
Ayon sa militar, inatake ng Boko Haram ang mga bayan ng “Bale Shuwa” at “Bale Kura” na malapit sa kanilang kampo sa Maiduguri City.
Una rito, pinakawalan ng nasabing grupo noong nakaraang mga linggo ang mahigit isangdaang (100) babaeng estudyante na kanilang binihag.
—-
