Nakaalerto na ang iba’t ibang yunit ng pulisya sa mga lalawigan sa Zamboanga Peninsula matapos ang nangyaring pananambang sa 2 alkalde ng basilan kaninang umaga.
Kinilala ng Police Regional Office 9 o Zamboanga PNP ang mga biktima na sina mayor Alih Awal Sali ng Akbar, Basilan at mayor Darussalam Saguindilan Lajid Ng Al-Barka.
Padaong na sana ang mga bangkang sinasakyan ng grupo nila Sali at Lajid sa seaside, baliwasan nang paputukan sila ng may 4 na salaring sakay naman ng motorsiklo dakong alas-8 kaninang umaga.
Dead on arrival sa Brent Hospital si Mayor Lajid maging ang driver nito habang kritikal naman si Mayor Sali na nasa Ciudad Medical Zamboanga.—mula sa ulat ni Jaymark Dagala
