Kalaboso ang dalawang lalaki matapos mahulihan ng shabu sa Quezon City.
Kinilala ang mga suspek na sina Mel Anthony Cabrera Y Solis Alyas “Boknoy” at Jay-Ar Castañeda Y Tinay kapwa residente ng nasaturang lungsod.
Batay sa mga otoridad, sakay ng motorsiklo ang dalawang suspek nang sitahin sa isangcompulsory check at nang hiningi ang kanilang mga driver’s license at vaccination cards nahulog sa bulsa ang ilang sachet ng shabu.
Tinangka pang takasan ng mga suspek na humantong sa isang maikling habulan ngunit nahuli pa rin ito ng mga otoridad.
Nasamsam sa mga suspek ang iligal na droga na nagkakahalaga ng 100,000 piso.
Nahaharap ngayon, ang mga suspek sa kasong paglabag sa Section 11, Article II ng RA 9165 o Comprehensive Dangerous Drugs Act of 2002. —sa panulat ni Kim Gomez
